اليوم عندنا ليكم قصيدتين للشاعر ناصف
قراءة طيبة
للشاعر ناصف بدوي عبدالرحمن
بتمني الكلمات تنال اعجابكم
لما توعد !!!! ابقي وافي
وابقي عارف انو وعدك
قصب عنك تؤفي بيهو
ولما توفي ؟؟ تبقي صافي
وبيكا حبك جد بيفخر
وديما عنك هو البيسأل
لو دقيقه لقاكا مافي
اصلو زولك لو بريدك
ل عيوبك ببقي خافي
ولو بيكره فيكا طبعه ؟
يبقي كايس ليكا شافي
****************************************************************************
****************************************************************************
قصيده بعنوان : طعم الحقيقه
للشاعر : ناصف بدوي عبدالرحمن
لمتين لمتين ؟؟؟
والله كفاك في الكرسي خلاص
ما تسيبا خلاص كان نلقا وطن
والعيشه معاك واللهي ألم
لمتين بيعيش جوانا كفن ؟؟
والناس بتكوس ل لقمه عيش !!
جواها الالام والله تطعن
ي زول ما خلاص واللهي كفاك
برضو الاعراض ليهو اتوطن
**************************
والقرعه كمان والله كترت
ايدين بتكوس برضو اتشلت
شامين انكاه الظلم انواع
جواها افراح برضو اتسلت
لابسين اوجاع حايمين السوق
كان يلقو الريق برضو اتبلت
والناس بتفط !! بتفط صفحات
وعقول اطفال برضو اختلت
**************************
استاذ بيدرس في الفارغه
خريج بيشتم في والدو
اطفال بتسب في نص الدين
امطار بتصب في نص البيت
ماسوره تكب مرات الطين
مليان غنيان من حق غلبان
بعدين بتكون مليان بالدين
وبعدين بتكون مليان بالدين
تعليقات