المٌعاياناتْ(THE INTERVIEWS )
نَصائحَ لإجتياز المٌقابلات "المعاينات" بشكل إحترافي :
قبل فترة نزلنا "مقالة" عن كيفية تحضير سيرتك الذاتية ، وإتكلمنا عن إنها لازم تكون جاهزة في اي وقت ، وماينفع لما تسمع بوظيفة تمشي يادوب تحضر واحدة ، أو "تكلفتها" سريع كِدا وتقدم بيها. ( اضــــــــغــط هنـــــا لــلانـــتـقـال لـلـمـقـالـة )
في المقال الحالي دا حنتكلم معاكم فيهو بإذن الله عن كيفية إجتياز المقابلة الشخصية أو ال "interview أو المٌعاينة بصورة كويسة وفعالة .
أسواء حاجة إنك تمشي للمعاينة كِدا بس من غير تجهيز وتحضير ومن غير خٌطة واضحة للحصول علي الوظيفة ، لأنو التحضير الجيد عٌنصر مٌهم جداً في سير المٌعاينة بصورة مٌرضية ليك .
في مجموعة كبيرة جدا من الخطوات بتخليك تجتاز المعاينة بصورة مٌناسبة ، لأنو زي ما عارفين ممكن تكون إنت شخص كويس جداً وعندك مهارات عالية جداً وعندك نقاط قوة ممتازة "potentials " لكن ما تقدر تؤدي المعاينة بصورة مٌناسبة ويتم إستبعادك من الأول خالص ، ونحن في السودان عندنا مٌشكلة بعض الناس اللي بيعملوا مٌعاينات نفسهم ما بيعرفوا يعملوا مٌعاينات وبيكون الموضوع ونسة وإنطباعات شخصية لا أكثر ولا أقل
طيب بإختصار النقاط التالية تٌمثل مجموعة من النصائح اللي ممكن تساعد المٌتقدمين لوظيفة جديدة :
أولاً : تحضير سيرة ذاتية مٌكتملة وفعالة :
ذي ما قلنا في البداية إنه السيرة الذاتية حاجة مٌهمة جداً للتقديم للوظيفة وهي البند اللي بيخلق إنطباع أول جيد لك عند الشركة "out standing first impression " ، ومؤخراً أصبحت الشركات تستبعد حتي قبل المٌعايانات ، معتمدة فقط علي السيرة الذاتية كتقييم أولي ووسيلة لتضييق الخيارات .
ثانياً: إختيار الوظيفة المٌناسبة
بالله الناس تتعب جداً في السيرة الذاتية "CV" وتحضرها بصورة كويسة ومٌناسبة لأنها الخطوة الأولي في النجاح بإذن الله .ودا مقال بقدم ليك نصائح عن السيرة الذاتية ( اضغط هنا للانتقال الي كيفية اعداد السيرة الذاتية)
في إختبار إسمه ال"Fit Test " ، ودا إختبار عن طريقو بتحدد هل إنت مٌناسب للوظيفة دي ولا لأ(بينك وبين نفسك) ، يعني بتشوف هل عندك المهارات المناسبة للقيام بالوظيفة دي ولا لأ
هل يٌعقل أن تٌقدم لوظيفة سائق وأنت لا تستطيع القيادة ؟ يعني إتأكد إنك عندك القدرة والمهارة الكاملين للقيام بهذه الوظيفة .
هل يٌعقل أن تٌقدم لوظيفة سائق وأنت لا تستطيع القيادة ؟ يعني إتأكد إنك عندك القدرة والمهارة الكاملين للقيام بهذه الوظيفة .
ثالثاً: تجميع معلومات جيدة عن الشركة اللي إنت مقدم ليها :
قبل ما تمشي المعاينة لازم تكون معلومات كويسة جداً عن الشركة أو المؤسسة اللي إنت مٌقدم ليها ، ما بس عشان لو سألوك عن معلومة عنهم تجاوب ، كمان عشان مٌهم تعرف المؤسسة اللي إنت متوقع تشتغل فيها ، وتعرف منو هو المالك إذا كانت خاصة طبعاً ، ومنو المدير ومنو الشخص /الأشخاص اللي حيعملوا معاك المٌعاينة ، ومنو صاحب القرار وكمان حيكون كويس أو عرفت آخر شخص تم قبوله في الشركة وتسأله عن سير المٌعاينة وكدا .
رابعاً الحٌضور في الوقت المٌناسب للمٌعاينة :
لاحظ قلت الوقت المٌناسب ، يعني مواعيدك خمسة مثلاً(5:00) ، تكون أمام الشخص اللي بيدخل المعاينات الساعة 4:55 ، يعني ما 5:01 .
وكمان ما تجي الساعة الساعة 4:30 وتعمل فيها جاي بدري ! دي كمان نقطة ممكن تتاخد ضدك . حتي لو خايف من موضوع المواصلات والزحمة وكدا ، تعال وأصل بدري لكن ما تدخل الشركة إلا في الوقت اللي إتفقنا عليه .
خامساً المظهر المٌناسب :
تعال وإنت لابس كويس (قاااااااشر ) ، إختار أحسن حاجة عندك وأخد رأي الناس اللي بتثق في رأيهم في موضوع اللبس دا ، تعال لابس لَبْس رسمي (بعد من الألوان الفاقعة والألوان الملفتة للإنتباه -ركز مع الأبيض والرمادي والأزرق بدرجاته طبعاً وهكذا ) حبَّذا كمان لو قدرت إتحصلت علي بدلة ولو بالعدم (كرفِتة) ، بالنسبة للبنات ما تلبسي لَبْس (حفلات ) بَعْدِي خاااالص من ال(make up ) (المكياج) ، بالذات النوع الصاااارخ داك ، وموضوع العطر الشدييييد داك كمان بعدي منه .
سادساً :البداية الصحيحة:
أهم حاجة ضربة البداية ، لازم تتأكد إنك بديت المٌعاينة بصورة مٌحترفة ، يعني شنو :
أهم حاجة ضربة البداية ، لازم تتأكد إنك بديت المٌعاينة بصورة مٌحترفة ، يعني شنو :
1- أول ما تدخل سلم علي الشخص/الأشخاص اللي قدامك ، بتحية مٌناسبة وثابتة وواثقة وبصوت واضح ، مِثال : (السلام عليكم ورحمة الله -صباح الخير أو مساء الخير -*علي حسب التوقيت طبعاً ) مٌعظم الحاجات اللي لاقتني بتقول ليك بعد من إنك تسلم عليهم في إيديهم (من غير مٌصافحة يعني ) ، سلم وأقعد طوالي يعني ما تنتظر الإذن بالجلوس .أوعك_تكتر_السلام ((يعيني موضوع الله يسلمك الله يبارك فيك الله يسلمك الله يبارك فيك دا مااااافي ، وموضوع كيف حالكم ، الله يسلمكم برضو ماااافي )) .
تحية مٌختصرة وواضحة ومافيها كلمات كتيرة.
تحية مٌختصرة وواضحة ومافيها كلمات كتيرة.
2- ما تبدأ تتكلم إلا لما يطلبوا منك تتكلم .
3- تواصل الأعين أو "eye contact " ، يعني ما تقعد وتنزل عيونك في الأرض (بعض المٌدراء بيتعمدوا يسكتوا في الأول عشان يشوفوك حتتصرف كيف وحتتجه ببصرك وين 
😁) ، وكمان ما تعاين ليهم في عيونهم من غير ما تزيح بصرك عنهم ((ما عايزك تكسر عين الراجل 
😂) ، وزع بصرك بين الأشخاص الموجودين في غرفة المٌعاينة بهدوء شديد وثقة بس من غير ما تنزل عيونك في الأرض ، أو ترفعها في السقف ، أو تعاين في يدك .
😁) ، وكمان ما تعاين ليهم في عيونهم من غير ما تزيح بصرك عنهم ((ما عايزك تكسر عين الراجل 😂) ، وزع بصرك بين الأشخاص الموجودين في غرفة المٌعاينة بهدوء شديد وثقة بس من غير ما تنزل عيونك في الأرض ، أو ترفعها في السقف ، أو تعاين في يدك .
4- إنتظر أول سؤال ، أٌخد نفس عميق ، خلي السؤال ينتهي ، إنتظر ثواني وأبدأ جاوب ، السؤال بكل هدوء ، حبَّذا لو بديت كلامك بكلمة نعم - ودي بتكون مٌباشرة بعد ما يسألوك السؤال . مِثال :
لو سألك قال ليك إتكلم لينا عن نفسك مثلاً :
قول :
نعم وبعد كِدا أبدأ طوالي في الكلام عن نفسك .
ونعم هنا معناها اني فهمت سؤالك جيداً وسأبدأ بالحديث 
☺.
☺.
سابعاً: كٌن أنتَ
يعني خليك علي طبيعتك ، ما تغير طريقة كلامك ، ما تتغمص شخصية زول تاني ، ما تغير صوتك ، ما تدعي حاجات مافيك ، ماتغيري صوتك (للبنات😁)
😁)
ثامِناً: أثناء المٌعاينة :
1- خليك قافل موبايلك ، تماماً ، ما تعملو صامت ، لا أقفلو تماماً .
2- ما تتكلم كتير ، أٌخد نفس عميق قبل ما تجاوب علي الأسئلة ، ما تضحك من غير سبب ، وماتضحك كتير (ماتاخد راحتك شديد يعني ).
3- مافهمت السؤال !؟ ماتجاوب وتندااااح وبعد تخلص تلقي نفسك جاوبت غلط ، لا ، بكل هدوء قٌول : معليش مٌمكن السؤال تاني !؟
وتأكد ما حيكون عنده مٌشكلة يعيدوا ليك .
4- ماتٌظهر أي نٌوع من الإنتماءات الحزبية أو السياسية أو حتي إنتمائك لفريق كٌرة مٌعين
5- لو قال ليك قارن بين نفسك وبين مٌنافسيك (المٌقدمين معاك علي الوظيفة دي ))، أوعك تذكٌرهم بالسوء ، بس إتكلم عن إيجابياتك ونقاط قوتك وما تضرب في غيرك .
3- مافهمت السؤال !؟ ماتجاوب وتندااااح وبعد تخلص تلقي نفسك جاوبت غلط ، لا ، بكل هدوء قٌول : معليش مٌمكن السؤال تاني !؟
وتأكد ما حيكون عنده مٌشكلة يعيدوا ليك .
4- ماتٌظهر أي نٌوع من الإنتماءات الحزبية أو السياسية أو حتي إنتمائك لفريق كٌرة مٌعين
5- لو قال ليك قارن بين نفسك وبين مٌنافسيك (المٌقدمين معاك علي الوظيفة دي ))، أوعك تذكٌرهم بالسوء ، بس إتكلم عن إيجابياتك ونقاط قوتك وما تضرب في غيرك .
تَاسِعاً: إجابات نموذجية: ((دا بعضها وحنفرد بٌوست مٌنفصل ليها بإذن الله ))
1- ليك إتكلم عن نفسك!؟ ، أول حاجة في السؤال دا ، أوعك تتكلم إنجليزي وإنت ضعيف فيه ، إتكلم عربي وخليك واضح، وكمان ما تحكي ليهم من الإبتدائي ، في ناس تقول ليه إتكلم عن نفسك يقول ليك(( من أولي لحدي خامسة درست في مدرسة كِدا ومن سادسة لحدي ثامنة قريت في مدرسة كِدا ، وعدت سنة تامنة عشان ما جِبت النسبة الدايرها ...إلخ)) ، خليك مٌحدد وإتكلم في النقاط المٌهمة وما تحكي قصص ماراثونية !
2- ليه خليت شركتك القديمة !؟؟ خليك مٌحدد بس ما تجيب سيرتهم بسوء مهما حاول معاك ودفعك للنقطة دي ، حتي لو إضطريت تقول ليه ((ناس إشتغلت معاهم ما بذكرهم بسوء )) .
3- مٌتوقع مٌرتب كم !؟ هِنا خليك حذّر شوية ((لازم تكون عرفت مٌرتب الوظيفة دي كم عندهم - وتقول مٌرتب قريب منها )) عشان لو قلت مٌرتب عاااالي حيستبعدوك ويقولوا الزول دا طٌموحو أكبر من الوظيفة دي ، ولو قلت مٌرتب مٌتدني ممكن يستبعدوك برضو ، وممكن يقبلوك لكن حيقللوا ليك مٌرتبك وتكون ظلمت نفسك .
4- متين ممكن تنزل معانا !؟ أقرب وقت ممكن . أو لو كنت شغال قول ليه ، مٌحتاج بس أسلم شغلي القديم وأكون معاكم طوالي بإذن الله ، لو كٌنت عاطل ، قوليه ممكن بعد المٌعاينة مباشرة
5- عِندكْ سؤال لينا !؟ فاجِئهم وقول ليهم : متين حأستلم الشغل
عاشراً : بريد الإطمئنان الإحترافي :
بعد المٌعاينة تخلص ، أطلب من الشخص اللي حيعمل ليك المٌعاينة البريد الإلكتروني بتاعه ال"Email" ، ولما تصل البيت أول حاجة تعملها ترسل ليه رسالة وتشكرو فيها علي المٌعاينة وتقول ليه كم كلمة كِدا مٌناسبة بس من غير ما تٌكثر في الثناء عليه وما تطلب منه خاااالص رأيه في المٌعاينة ولا غيرو .((قَشرت بيها علي الزول اللي بعدو وظبطت معاي 😁
✌🏻))
😁✌🏻))
تعليقات