عناوين الصحف السودانية الرياضية والسياسية الصادرة صباح اليوم الأحد 8 أكتوبر 2017

 الناس العندها دولار

خلال ٤٨ ساعة تحاول تصرف...

تصرف كيف؟!

والله ما عارف...

في جهة باعت دولار مزيف وسحبت رأس مال المشترين بالجنيه السوداني..

يعني شالوا رأس المال وادوهم *البردعة*...

في ضرب في الركب

وحرب بلاسقوف أخلاقية تحدث الان...

اي دولار تستلموا راجعوا واترك الماسورة لغيرك..

خطة شيطانية انتقمت من المضاربين..

غايتو قالوا العملتها عصابة...

احتمال...

*اذكر*..

تماما أن قبل بداية صعود الدولار الجنوني خلال هذه الأيام كتبت مقال ان الدولار حايحصل فيه انخفاض نهاية الشهر

وبعدها حصل العكس وتصاعد الدولار بصورة غير مسبوقة..

وكان السبب في عدم صدق خبري ان بعض المفروض يحصل ما حصل..

*لكن*..

الآن حصل المفروض يحصل وكمان بزيادة ما يحدث الآن في قصة إليوان الصيني والروبل الروسي والحرب الأوكرانية الروسية ...

*الان*...

اي بضاعة من الصين لاتحتاج لدولار

فقط تحول الجنيه السوداني ليوان ..

اي بضاعة من دبي لاتحتاج لدولار لو عندك يوان...

أضف إلى ذلك ناس العلاج البسافروا برا السودان بغرض العلاج الان العلاج في روسيا أصبح أرخص من رويال كير...

خصوصا مرض العيون..

وتأكد لو حابي .

العالم يتغير مع كل ساعة وتحالفات تتشكل ..

*بلغني*..

ايضا من ثقات أن الحكومة السودانية لاتحتاج لأي دولار

فعندها من احتياط الذهب ما سيكون مفاجأة وفي شي تاني...

الحكومة الان شغالة حصاد في القمح وكل الولات في مواقع الإنتاج

حميدتي الايام ما ملاحظين شكر في اردول...؟

الزيادة الحاصلة الان في الدولار زيادة مصنوعة..

يعني غير حقيقية

واصلا مافي زول قاعد يشتري دولار من أجل التجارة وكل مافي الأمر أن هذه الزيادات بسبب مضاربات يقوم بها بعض الأشخاص بغرض إشعال الوضع في السودان..

دا يبيع دا..

وديل يبيعوا لديل..

ويدور الدولار في دائرة لاعلاقة لها بالسوق ولا التجارة ولاحتى سعر الصرف..

*الراجل داك*..

لابد ليهم بالقاصمة الساحقة الماحقة..

قال اصلو مافي زول يسالهم..

خلوهم حتى ساعة الصفر لسحقهم بالكامل

واسقاطهم في إفلاس لاعودة منه بإذن الله..

*في شي بحصل الان...*

في ناس باعوا لناس تانين دولار مزيف بقصد

سحب رأس مالهم بالجنيه السوداني ..

في شغل تم

الله يستر...

ايام صعبة جدا قادمة على بعض الأشخاص..

متين هي الله اعلم..

لكن ما حصل نشرنا خبر ولم يتحقق..

وعلى كيفك...

اصلوا ما تصدقني...

لكن خليك فاكر

انا الزمان قلت لوجدي صالح وقحطه الفاشلة شتتوا قبل أن يشتت بكم وما سمعوا الكلام

وحدث ما حدث...

العالم يتغير..

*( منصور الهادي)*